Barish Thi Hum Thay Aur Ghani Ho Rahi Thi Sham,
Tum Ne Lia Tha Kaanpte Honton Se Mera Naam,
Main Ne Kaha Tha Aao Yon Hi Bheegte Chalain,
In Raston Mein Der Talak Ghomte Chalain,
Mere Kamar Mein Hath Ye Phoolon Sa Daal Kar,
Kandhe Pe Mere Rakahy Raho Yon Hi Apna Sir,
Hathon Ko Kabhi Main Balon Ko Chom Lon,
Dekho Meri Taraf To Main Aankhon Ko Chom Lon,
Pani K Ye Jo Phool Hain Rukh Pe Khile Howe,
In Mein Dhanak K Rung Hain Sare Ghulay Howe,
Honton Se Un Ko Chunte Rahain Khush Dili K Sath,
Tari Humain Talash Karain Chandni K Sath,
Yon Hi Kisi Darkht K Neeche Khare Rahain,
Barish K Deir Bad Bhi Lipte Khare Rahain,
Tum Ne Kaha Tha Aao Chalain Rat Aa Gai,
Dil Jis Se Dar Raha Tha Wohi Bat Aa Gai,
Beetay Samay Ki Yad Hi Raston Mein Reh Na Jaye,
Ye Dil Kahein Wisaal Ki Barish Mein Beh Na Jaye,
Kuch Deir Aik Chup Se Rahi Darmyan Mein,
Girhain Se Jaise Parne Lagi Hon Zaban Mein,
Yak Dum Gira Tha Phool Koi Shakhsar Se,
Dekha Tha Tum Ne Mere Taraf Iztarar Se,
Barish Mein Bheegte Howe Jhonke Hawa K Thay,
Woh Chand Be Guman Lamhe Bala K Thay,
Nasha Sa Charon Taraf Phailta Gia,
Phir Us K Bad Main Ne Tumhain Kuch Nahi Kaha.................!