Ajnabi Rehna Par Kissi Ka Intezar Mat Karna,

[Vasim]

Kharay soday kaa qayal hoon, so behter bech deta hoon
Main dariya pass rakhta hoon, samandar baich deta hoon

Suhaney khawab to kaanton kay bister per bhi mumkin hain
Mayassar ho ager phoolon kaa bister bech deta hoon

Kisi kaa June accha kat sakega is tarha
Bahut pehlay say main apna December bech deta hoon

 

[Vasim]

Meri umr se na simaT sake mere dil mein itney savaal the
tere paas jitne javaab the Teri ik nigaah mein aa gaye....

 

[Vasim]

Saaman-e-tijarat mera eeman nahi hai,
Har dar pe jhuke sar ye meri shan nahin hai.

Har lafz ko seene mai basalo to bane baat,
Taqo'n mai sajane ko ye "Quraa'n nahi hai,

Allah mere rizq ki barkat na chali jayee,
Do rooz se ghar main mere mehmaan nahi hai.

Humne to samandar mai bhi raste hain banaye,
Yun humko mitana koi aasaan nahi hai.

Main teri mohabbat mai giraftar hoon lekin,
Main tujhko Khuda samjhun ye imkaan nahi hai.

Do chaar ummidon ke diye ab bhi hain roshan,
Hamari haweli abhi veeran nahin hai.

 

[NXXXS]

Allah bachaaye marz e ishq se dil ko,
Suntey hain ke yeh aarza acha nahi hota..

 

[Vasim]

terey paas heiN abhi aur dard to wo bhi mujhey dey
naa pooch ke mujh meiN aur sabar hai ke nahi hai

meri neendeiN to mar chuki heiN ratjago ke haath
terey khaaboN ko bhi koi aesa dar hai ke nahi hai

ye soch ke ley aya hooN meiN jungle sey kuch jugnu
naa jaaney ab qismat meiN sehar haike nahi hai

tu dekh mera shauq, meri shikastoN ko na dekh
peroN taley terey ghar ki dagar hai ke nahi hai

maaNga hey tujhey Rab sey ke ik zid si hey kab sey
dekhooN to meri duaoN mein asar hai ke nahi hai

 

[Vasim]

Ajeeb hijer parasti thee us ke fitrat mein
shajar k tootay pattay talash krta tha


tamam wo parday hata k chand kay sath
jo kho Gaye wo lamhay talash krta tha


duain krta tha ujray huey mazaroon par
baray ajeeb saharay talash krta tha


mujhay tu aaj bataya hay badlon ne "Wasi"
woh laut anay k rastay talash krta tha

 

[Vasim]

Na jane kyon hai mehmaan meri palkon per aye hue !
zehan to kehta tha ki hui muddat unko bhulaey hue !!

Khuda jane kya ye 'mujazza' hai ki mehkta hai ghar mera !
arsa hua hai unko iss dayaar-e-muntzir main aye hue !!

Hain ye jo apno sa chehra liye jane kaun hain !
gale milte bhi hain to hath se dil chupaye hue !!

Ab ehsaas bhi aitbaar ka nazar-e-tuffan ho gaya !
nakhuda ko bhi baithe hain hum bakhuda azmaye hue !!

Kuch iss tarah teri duniya se beaabru hoker hum chale !
jaise zohad wale baithe hain duniya tujhse churaye hue !!

Khudaya shukr ke usne keh jo diya palat ker !
verna phirte teri buzm main apna moo chupaye hue !!

Hawao se jab kabhi muqabil ye patang nazer ayi !
badala rukh hawao ne aur chali sar uthye hue !!

Bhatakti hui ek massom saba roti rahi mere shano pe !
kehti thi kyon ho iss shaher main gaon apna lutye hue !!

Kya dhondhta hai jane wo masiha ab wo dharkanain kahan !
khan-e-dil ko baithi hai wafayen yadon ka mazaar banye hue !!

Wahi palke wahi khushbu wahi chehra to hai “shakeel” !
zehan to kehta tha ki hui muddat unko bhulaey hue !!

 

[Vasim]

Dosron ko hamari sazaye na dey!~!

Chandni raat ko bad_Duaein na dey!~!

Phool sey aashqi ka hunar sikh ley!

Titliyaan khud rukengi sadaye na dey!

Sab gunaho ka iqraar karney lagey!

Is Qadar khubsurat sazaye na dey!

Motiyon ko chupha sipiyon ki tarah!!

Bewafaaon ko apni wafaain na dey!

Main bikhar jaaunga aansoun ki tarah!

Is qadar pyar sey bad_duaein ne dey

 

[NXXXS]

Dil o nigah pe taari rahe fasoo’n is ka,
Tumhara ho ke bhi mumkin hai mein rahoon us ka,
Tujhe khabar nahin is baat ki abhi shayed,
Ke tera ho to geya hoon magar mein hoon us ka,
Ab is se qata-taluq mein behtri hai meri,
Main apna reh nahin sakta agar rahoon us ka,
Zameen ki khaak to kab ki urraa chuke hain hum,
Hamari zadd mein hai ab chiraag neel’gon us ka,
Dil-e-tabaah ki dharkan bata rahi hai Raza,
Yahin kahin pe hai woh sheher pur’sakoon us ka..

 

[Vasim]

Ban Jaon Agar Tum Sa Tumhein Kaisa Lagay Ga
Har Pal Mein Rahun Tum Se Khafa Kaisa Lagay Ga

Parhtay Ho Mujhe Tum Jo Namazon Ki Tarah Se
Ho Jaon Agar Tum Se Qaza Kaisa Lagay Ga

Tum Pyar Mein Khud Ko Bhi Mitanay Pe Ho Razi
Ban Jaye Agar Pyar Saza kaisa Lagay Ga

Khud Se Bhi Ziada Ho Yaqeen Tum Ko Kisi Par
Woh Shukhs Hi De Jaye Dagha Kaisa Lagay Ga

Tum Auron Ki Mehfil Ka Dia Ban Ke Jalo Phir
Tanhai Mile Tum Ko Sila Kaisa Lagay Ga

 

[NXXXS]

Yun teri chahtain sambhaali hain,
Jese eidi ho mere bachpan ki..

 

[Vasim]

Humari to manzilein thi tumhary hi naam tak
tum hi pahuch na paye humary muqaam tak

 

[Vasim]

Is zindagii sey hum ko duniya mili na deen
taqdeer ka mushahida kartey guzar gaii

 

[Vasim]

tabaahii kaa apanii nishan chhor aaye
varaq dar varaq daastan chhor aaye


har ek ajanabii se pataa puuchhate hain
tujhe zindagii ham kahan chhor aaye

vahii log jiine kaa fan jaanate hain
jo ehasaas-e-suud-o-ziyan chhor aaye


nikal aaye tanahaa terii rahaguzar par
bhaTakane ko ham kaaravan chhor aaye

 

[NXXXS]

Teri aankhon kr isharon ki, bohat yad aayi,
Aaj pat-jharr mein, baharon ki bohat yad aayi,
Jab larkhraata hua nikla, kabhi mehkhaney se,
Teri baahon ke sahaaron ki, bohat yaad aayi,
Jab bhi ponchhe hain, haathön se ye aansu apne,
Teray daaman ke kinaron ki, bohat yaad aayi,
Aaj iss ujray huye sheher me, mohsin humko,
Apnay bichray huye yaaron ki, bohat yaad aayi..

 

[Vasim]

Ye Jo Khodd Rahe Hain Zameen Mere Liye..!!
.
Mein Jee Uthoo'n To Kahi'n Bhi Jagah Nahi Denge..!!

 

[NXXXS]

Pilana farz tha kuch bhi pila diya hota,
Sharab kam thi to pani mila diya hota,

Agar zuban pey sharm-o-haya ka pehra tha To,
Muskura key sar hi hila diya hota..

 

[Vasim]

Main tumharay aks ki aarzoo mein bass aayina hi bani rahi
Kabhi tum na samnay aa sakay, kabhi mujh pay gard pari rahi....

 

[Vasim]

mohabbat se,Inayat se, wafa se,Chot lagti hai
bikherta phool hooN mujh ko hawa say Chot lagti hai

 

[NXXXS]

Ab kya likhen hm kaghaz per,
Ab likhne ko kya baqi hai,
Ek dil tha wo toot geya,
Ab tootne ko kya baqi hai?
Ek shaks ko hm ne chaha tha,
Ek rait pe naqsh bnaya tha,
Wo rait to kab ki bikhar gayi,
Wo naqsh kahan ab baqi hai,
Lafzon ka bana ker taj mehel,
Kaghz pe sjaya karte thy,
Wo hm ko akela chor geya,
Sb rishton se munh mor geya,
Ab rasty sarey sooney hain,
Wo pyar kahan ab baqi hai,
Ab kya likhen hm kaghaz per,
Ab likhne ko kya baqi hai…!!