Ajnabi Rehna Par Kissi Ka Intezar Mat Karna,

[NXXXS]

Uski Baten To Phool Hon Jaise,
Baki Baten Babul Ho Jaise,

Choti Choti Si Uski Wo Akhe,
Do Chameli Ke Phool Ho Jaise,

Uski Haskar Nazar Zhuka Lena,
Sari Sharte Kubul Ho Jaise,

Kitni Dilkash Hai Uski Khamoshi,
Sari Baten Phijul Ho Jaise

 

[Vasim]

Haar jayega har dard ab jo tum aaye ho.
Mit jayega har gham ab jo tum aaye ho.

Andhere main ab kahan hai dam darane ka,
Hath main jalta diya liye ab jo tum aaye ho.

Jeet hi lenge ham zindgi ki har baazi,
Khud harkar hame jitane ab jo tum aaye ho.

Bas ek hi gujarish hai ab tumse hamari,
Chhod na jana kabhi ab jo tum aaye ho.

Na dhundhta firega ab khud ko kahin “mann”,
Mujhe mujhse milane ab jo tum aaye ho.

 

[NXXXS]

Tu meri zindagi mein laazim hai,
Jese pehla sawaal parchay ka..

 

[Vasim]

Maktab-E-Ishq Ka Dastoor Niraala Dekha
Usko Chutti Na Mili Jisnay Sabaq Yaad Kiya...!!

 

[Vasim]

Na Karo Yaad, Na Khwabo'n Main Sada Do Humko
Maslihat Ka Ye Taqaza Hai Bhula Do Humko...!!!

 

[Vasim]

Khamoshi Chupaati Hai Aib-O-Hunar Dono
Shakhsiyat Ka Andaaza Guftgu Se Hota Hai..

 

[Vasim]

Kashtiyaan Toot Chuki Hain Saari
Ab Liye Phirta Hai Dariya Humko

 

[Vasim]

Kehtay Hain Tumko Hosh Nahi Istaraab Main
Saray Gilay Tamaam Hue Ek Jawab Main...!!!

 

[Vasim]

Mumkin Hai Ke Sadiyon Bhi Nazar Aye Na Sooraj
Is Baar Andhera Meray Andar Se Utha Hai...!!

 

[Vasim]

Usnay Kaha Ke Aankh Main Gehra Ghubaar Kyun
Mainay Kaha, Azaab Ka Mausam Thehar Gaya...!

 

[Vasim]

Chal Saath Ke Hasrat Dil-E-Mehroom Se Niklay
Aashiq Ka Janaza Hai Zara Dhoom Se Niklay...!!

 

[Vasim]

Falsafa-E-Ishq Main Paish Aye Sawalo'n Ki Tarha
Hum Pareshan Hi Rahay Apnay Khayalo'n Ki Tarha

 

[Vasim]

Tu Apni Sheesha Gari Ka Na Kar Hunar Zaaya
Main Aiina Hoon Mujhay Tootnay Ki Adat Hai.

 

[Vasim]

Apni Tasveer Banaogay To Ye Hoga Ehsaas
Kitna Dushwaar Hai Khud Ko Koi Chehra Dena...!!!

 

[Vasim]

Aankh Par Farz Hai, Har Waqt Sawaali Rehna
Is Par Sajta Nahi Ashk Se Khali Rehna

 

[Vasim]

Aankh Par Farz Hai, Har Waqt Sawaali Rehna
Is Par Sajta Nahi Ashk Se Khali Rehna

 

[Vasim]

Ansuo'n Main Khushi Talaash Karo
Ya Ke Phir Zindagi Udaas Karo

 

[NXXXS]

hmm.....

 

[Vasim]

● Jo Likhta Phirta Hai Deevaar-O-Dar Pe Naam Mera
Bikheir De Na Kahin Harf Harf Kar Ke Mujhay●

 

[Zia_Hayderi]

Suno tum lout aao na


wo dekho chand nikla hai
sitaare jagmgaane lage hain


hamari muntazir ankhain
dua mangti hain
tumhain he sochti ankhain


tumhain he dhundti ankhain
tumhain wapis bulati hain


yeh dil jab bhi dhadkta hai
tumhara he naam leta hai


yeh ansu jab bhi behte hain
tumhare dukh main behte hain


k


barish jab bhi hoti hai
tumhain he yad karti hai


khushi koi jo aye bhi
tumhare bin adhuri hai


suno tum lout aao na
suno tum lout aao na ​